Հայաստանը՝ Եվրոպայի ամենառազմականացված երկիր
Հայաստանը, թերեւս, մտադիր չէ զիջել գլոբալ միլիտարիզացիայի ինդեքսում ունեցած դիրքերը եւ շարունակում է բավականին բարձր ցուցանիշ գրանցել «Համաշխարհային ռազմականացման ինդեքս»-ում։ Բոննի կոնվերսիայի միջազգային կենտրոնի հրապարակած տվյալների համաձայն` Հայաստանը 2015թ. եւս աշխարհի ամենառազմականացված երկրների ցուցակում 3-րդ տեղում է՝ զիջելով միայն Իսրայելին եւ Սինգապուրին, իսկ Եվրոպայում ընդհանրապես առաջատարն է։
Ուսումնասիրության մեջ նշվում է. «Եվրոպական երկու երկրներ՝ Հայաստանն ու Ադրբեջանը, ունեն ռազմականացման ապշեցուցիչ բարձր աստիճան. Հայաստան` 3րդ հորիզոնական, Ադրբեջան` 8-րդ հորիզոնական: Լեռնային Ղարաբաղի շարունակվող հակամարտության ֆոնին երկու երկրներն էլ շարունակում են ահռելի միջոցներ ներդնել` նպատակ ունենալով ընդլայնել և արդիականացնել իրենց զինված ուժերը»:
Ավելացվել է 10 December, 2015
