Արամայիս Ոսկանյանը զոհվել է հակառակորդի դիպուկահարի կրակոցից
Ինչպես հայտնում են ԼՂՀ ՊՆ մամուլի ծառայությունից՝ հունվարի 9-ին` ժամը 21:30-ի սահմաններում, ՊԲ արեւելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացել ՊԲ զինծառայող, 1996թ. ծնված Արամայիս Յուրիկի Ոսկանյանը:
Զոհված զինծառայողի դիահերձմանը նրա հարազատների խնդրանքով ներկա գտնված, «Խաղաղության երկխոսություն» հասարակական կազմակերպության ռազմական փորձագետ, քրեագետ Ռուբեն Մարտիրոսյանը հայտնեց, որ դատաբժշկական զննությամբ Արամայիս Ոսկանյանի դիակի վրա՝ գլխի ճակատային մասում, հայտնաբերվել է մեկ հրազենային միջանցիկ վնասվածք։ Հաշվի առնելով կրակոցի ուղղությունը, հեռավորությունը, ինչպես նաև մուտքի անցքի տրամաչափը (0,8սմ)՝ կարելի է ասել, որ հրազենային վնասվածքը Ոսկանյանն ստացել է հակառակորդի դիպուկահարի կողմից, СВД տեսակի դիպուկահար հրացանից։ Հանգուցյալի մարմնի վրա բռնության որևէ հետք չի հայտնաբերվել։
Ավելացվել է 11 January, 2016
