Uույն oրենքը uահմանում է զինվորական կարգապահության հասկացությունը, սկզբունքները, զինվորական կարգապահության պահպանման հետ կապված զինծառայողների պարտականությունները, զինծառայողներին տրվող խրախուսանքի եւ կարգապահական տույժերի տեսակները, դրանք կիրառելու կարգն ու պայմանները, հրամանատարների (պետերի) եւ այլ պաշտոնատար անձանց իրավունքները դրանց կիրառման գործում, ինչպեu նաեւ կարգավորում է զինվորական կարգապահության ամրապնդման հետ կապված այլ հարաբերություններ: Սույն օրենքի գործողությունը տարածվում է Հայաստանի Հանրապետության զինված ուժերում, Հայաստանի Հանրապետության կառավարությանն առընթեր Հայաստանի Հանրապետության ոuտիկանության եւ Հայաստանի Հանրապետության կառավարությանն առընթեր ազգային անվտանգության ծառայության համակարգերում (այսուհետ` զինված ուժեր եւ այլ զորքեր) զինվորական ծառայություն անցնող անձանց վրա:

Սույն օրենքը սահմանում է զինծառայողների եւ վարժական հավաքների կանչված քաղաքացիների կողմից ծառայողական պարտականությունները կատարելիս զորամասի գույքին պատճառված վնասի դիմաց նյութական պատասխանատվության պայմանները, ինչպես նաեւ այդ վնասի հատուցման կարգն ու չափերը: Սույն օրենքի գործողությունը տարածվում է Հայաստանի Հանրապետության զինված ուժերի եւ այլ զորքերի պարտադիր ու պայմանագրային զինծառայողների, ինչպես նաեւ վարժական հավաքների կանչված քաղաքացիների վրա:

Սույն օրենքը սահմանում է Հայաստանի Հանրապետության զինծառայողների եւ նրանց ընտանիքների անդամների կենսաթոշակային ապահովության եւ սոցիալական պաշտպանության իրավական, տնտեսական եւ կազմակերպական դրույթները:

Սույն օրենքը կարգավորում է Հայաստանի Հանրապետությունում քաղաքացիների զինվորական հաշվառումը, զինվորական ծառայության նախապատրաստությունը, զորակոչը, զինվորական ծառայությունը, պահեստազորում պատրաստությունը կազմակերպելու եւ անցկացնելու հետ կապված հարաբերությունները։