2016թ.-ի հունվար-մարտ ամիսներին ՀՀ զինված ուժերում և ԼՂ ՊԲ -ում մահվան դեպքերի վիճակագրություն

Ձեզ ենք ներկայացնում «Խաղաղության երկխոսություն» հկ-ի իրականացրած ուսումնասիրությունը ՀՀ ԶՈՒ-ում և ԼՂ ՊԲ-ում 2016թ-ի առաջին եռամսյակում գրանցված մահվան ելքով դեպքերի հետ կապված։

Ուսումնասիրության արդյունքում հայտնի է դարձել 16  մահվան դեպքի մասին, որոնցից 8-ը տեղի է ունեցել ՀՀ, իսկ 8-ը՝ ԼՂ տարածքում։

Ըստ առկա տվյալների՝

3 զինծառայող զոհվել է հրադադրի ռեժիմի խախտման հետևանքով.

1. Արամայիս Ոսկանյան (9 հունվար, ԼՂ )
2. Սիմոն Ճավրշյան (5 փետրվար, ԼՂ )
3. Արտյոմ Վարդերեսյան (17 մարտ, ԼՂ)

5 զինծառայող ինքնասպանություն է գործել

1. Դավիթ Տերտերյան (18 փետրվար, ԼՂ)
2. Թեմուր Սլոյան (19 փետրվար, ԼՂ)

Թեմուր Սլոյանը և Կամո Հովհաննիսյանը մահացել են նույն միջադեպի արդյունքում:

2016 թվականի փետրվարի 19-ին՝ ժամը 06:50-ի սահմաններում, N զորամասի 3-րդ ջոկի գնդացրորդ, շարքային Թ. Սլոյանը, նույն զորամասի պահպանության տակ գտնվող մարտական դիրքի դիտակետի մոտ իրեն ամրակցված գնդացրից կրակել է նույն ջոկի հրամանատար, մարտական դիրքի ավագ, կրտսեր սերժանտ Կամո Հովհաննիսյանի դեմքի շրջանին։ Ստացած վնասվածքից Կ. Հովհաննիսյանը տեղում մահացել է, որից հետո շարքային Սլոյանն ինքն իրեն գլխի շրջանում պատճառել է հրազենային մահացու վիրավորում: Նկատի ունենալով, որ նախապատրաստված նյութերում առերևույթ առկա են ՀՀ քրեական օրենսգրքի 104-րդ հոդվածի 1-ին մասով և 110-րդ հոդվածի 1-ին մասով նախատեսված հանցագործությունների հատկանիշներ մատնանշող բավարար տվյալներ՝ երկրորդ կայազորային քննչական բաժնում հարուցվել է քրեական գործ։

http://www.investigative.am…

3. Սարգիս Օհանյան (11 մարտ, ԼՂ)
4. Կամո Մարտիրոսյան ( 14 մարտ, ՀՀ)
5. Մեսրոպ Ղուրշուդյան (29 մարտ, ՀՀ)

Գրանցվել է սպանության 2  դեպք

1. Կամո Հովհաննիսյան (19 փետրվար, ԼՂ)
2. Հովհաննես Հարությունյան (17 մարտ, ԼՂ)

Մարտական դիրքում զինծառայող Հովհաննես Հարությունյանի՝ գլխի հատվածում մահացու հրազենային վնասվածք ստանալու դեպքի առթիվ հարուցված քրեական գործով մեղադրանք է առաջադրվել մարտական դիրքում նրա հետ ծառայություն իրականացրած մեկ այլ զինծառայողի։  Ձեռք բերված ապացույցների հիման վրա՝ շարքայինին մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 10-րդ կետով (սպանություն, որը կատարվել է խուլիգանական դրդումներով)։ Քննիչը միջնորդություն է ներկայացրել դատարան՝ մեղադրյալի նկատմամբ որպես խափանման միջոց կալանավորումը կիրառելու վերաբերյալ, ինչը բավարարվել է։

http://www.investigative.am…

1 զինծառայող հանկարծամահ է եղել

1. Սևակ Համբարձումյան (24 մարտ, ՀՀ)

1 զինծառայող էլեկտրահարվել է: Քրեական գործ է հարուցվել  «Անփույթ վերաբերմունքը ծառայության նկատմամբ՝ եթե անզգուշությամբ առաջացրել է ծանր հետեւանքներ»  հոդվածով:

1. Սարգիս Մանուկյան (30 մարտ, ՀՀ)

4  զինծառայող մահացել է դժբախտ պատահարի հետևանքով

1. Կարեն Կարապետյան (9 մարտ, ՀՀ)
2. Վահան Ղուկասյան (9 մարտ, ՀՀ)
3. Ռուսլան Հարությունյան (9 մարտ, ՀՀ)
4. Արսեն Հովսեփյան (23 մարտ, ՀՀ )

Ավելացվել է 01 April, 2016

• 0
• Tweet