2014թ.-ի հունվար-մարտ ամիսներին ՀՀ զինված ուժերում մահվան դեպքերի վիճակագրություն
2014 թ․-ի հունվար–մարտ ժամանակահատվածում «Խաղաղության երկխոսություն» հասարակական կազմակերպության կողմից իրականացված ուսումնասիրության արդյունքում ՀՀ զինված ուժերում գրանցվել է մահվան ելքով 10 միջադեպ: Արձանագրված դեպքերից երեքը տեղի են ունեցել Հայաստանի Հանրապետության, յոթը՝ ԼՂ տարածքում:Ըստ նախնական տվյալների՝ դեպքերից 4-ը հրադադարի ռեժիմի խախտման (զինծառայողներ Կարեն Գալստյան,Արմեն Հովհաննիսյան, Գառնիկ Թորոսյան եւ Արայիկ Բաբայան), 3-ը՝ առողջական խնդիրների (Էդիկ Շահնազարյան, Հայկ Մակարյան եւ Արշակ Զադայան) արդյունք են, մեկ դեպք գրանցվել է ծառայության նկատմամբ անփույթ վերաբերմունքի (Արման Ղուկասյան), նույնպես մեկ դեպք՝ անվտանգության կանոնների չպահպանման հետեւանքով (Հարություն Սաֆարյան) եւս մեկը՝ դժբախտ պատահարի հետեւանքով (ենթասպա Եսայի Եսայան): Ի դեպ, վերջին միջադեպի զոհը՝ ենթասպա Եսայի Եսայանը, ըստ նախնական տվյալների, դեպքի պահին ծառայողական պարտականություններ կատարելիս չի եղել, զոհվել է ավտովթարի հետեւանքով: Դեպքերի վերաբերյալ կատարվում է նախնական քննություն: 
Ուսումնասիրությունն իրականացվում է «ԽԵ»-ի «Ապահով զինվորներ՝ անվտանգ Հայաստանին» ծրագրի շրջանակներում: «Ապահով զինվորներ՝ անվտանգ Հայաստանին» ծրագիրն իրականացվում է Pax կազմակերպության աջակցությամբ:նիդերլանդական կազմակերպություն է, որն իր տեղական գործընկերների հետ համատեղ աշխատում է աշխարհում խաղաղության, համերաշխության եւ արդարության կառուցման ուղղությամբ: Կազմակերպությունն աջակցություն է ցուցաբերում հակամարտության մեջ ներգրավված հասարակություններում իրականացվող խաղաղասիրական նախաձեռնություններին եւ կամուրջներ կառուցում հակամարտող խմբերի հաշտեցման համար՝ նպատակ ունենալով ձեւավորել խաղաղ, ժողովրդավարական եւ արդար հասարակություն:
Ավելացվել է 02 April, 2014
