ՀՀ ՊՆ հրամանը մասնակի անվավեր ճանաչելու հայցով վճիռը՝ մարտի 11-ին
«Խաղաղության երկխոսություն» հասարակական կազմակերպության՝ ՀՀ պաշտպանության նախարարի 09/07/2015թ․ թիվ 9-Ն հրամանով հաստատված գաղտնագրման ենթակա տեղեկությունների ցանկի 17-րդ բաժնի 42 եւ 43 կետերում նշված տեղեկատվությունների գաղտնագրման օրինականությունը վիճարկելու եւ այդ մասով հրամանն անվավեր ճանաչելու հայցադիմումի հիման վրա ՀՀ վարչական դատարանում քննվող գործի դատաքննությունն ավարտվել է։
Վարչական դատարանը գործը քննել է գրավոր ընթացակարգով. փետրվարի 19-ին տեղի ունեցած դատական նիստում դատարանը վճռի հրապարակման օր նշանակեց մարտի 11-ը։ Նիստը կկայանա ժամը 15։00-ին, քաղաք Երևան, Գարեգին Նժդեհի 23 հասցեում։
Ավելացվել է 07 March, 2016
