Նախնական տվյալով` զենքի հետ վարվելու կանոնները խախտելու հետևանքով Գեղարքունիքի մարզի զորամասերից մեկի պայմանագրային զինծառայող է մահացել:
Այս մասին Իրավաբան․net-ին հայտնեցին ՀՀ պաշտպանության նախարարությունից:
«Պայմանագրային զինծառայող, շարքային Գևորգ Խաչատուրի Ավետյան (ծնվ. 1992թ.): Նախնական տվյալով` զենքի հետ վարվելու կանոնները խախտելու հետևանքով վիրավորումն ստացել է նոյեմբերի 15-ին, տեղափոխվել է հիվանդանոց, մեկ օր անց` նոյեմբերի 16-ին, արձանագրվել է մահը»,- հայտնում է ՊՆ-ն:

Աղբյուրը՝ iravaban.net

news.am-ին տրված հարցազրույցում, ինչպես նշում է զոհվածի եղբայրը․ «Պաշտպանության նախարարությունը ներկայացնում է, որ զենքի հետ անփույթ վարվելու հետեւանքով է եղբայրս զոհվել, սակայն իր վրա կա 3 կրակոց` մեկը սրտի հատվածում, մյուսը ստամոքսի եւ փորի հատվածում: Իրենք օրերով սոված են թողել, ինքը խոհարարն է եղել, ճաշը եփել է, բայց իր բաժին ճաշը շներին են տվել, ահավոր ծեծել են, բազմաթիվ կապտուկներ է եղել վրան` գլխին, վզին, կողքին, թեւին, մեջքին: Իմ եղբորը սպանել են, ինչպես կարող է ինքը իրեն կրակի, կամ ինքն իրեն ծեծի»:

Աղբյուր՝ auroranews.am