Ըստ ՀՔԱ Վանաձորի գրասենյակի ուսումնասիրության արդյունքների 2012 թվականին ՀՀ զինված ուժերում գրանցվել է 40 միջադեպ, որի հետեւանքով մահացել է 49 զինծառայող: Միջադեպերից միայն 15-ի դեպքում է ՀՀ պաշտպանության նախարարությունը հանդիսացել տեղեկատվության տարածման առաջնային աղբյուր: Եթե համեմատենք 2011 թվականի հետ, ապա կարելի է արձանագրել, որ այս տարի նախորդ տարվա համեմատ եւ՛ մահվան ելքով միջադեպերը, եւ՛ մահացության դեպքերը ավելացել են: Եթե 2011 թվականին 36 միջադեպի արդյունքում գրանցվել է 39 մահվան դեպք, ապա 2012 թ-ին 40 միջադեպի արդյունքում գրանցվել է 49 մահվան դեպք:

ՀՀ զինված ուժերում 2013թ. արձանագրված մահվան դեպքերի ուսումնասիրության արդյունքում հունվար-մարտ ամիսների ընթացքում «Խաղաղության երկխոսություն» հասարակական կազմակերպության մոնիտորինգի արդյունքում վերհանվել է 9 միջադեպ, որոնցից 6-ը ՀՀ, 3-ը՝ Լեռնային Ղարաբաղի տարածքում:

2012.թ․-ի տարեկան զեկույցը կազմվել է ՀՀ մարդու իրավունքների պաշտպանին հասցեագրված բողոքների, օրենսդրության վերլուծության, մամուլի արժանահավատ և չհերքված հրապարակումների, միջազգային և տեղական կազմակերպությունների զեկույցների, ինչպես նաև ոլորտի մասնագետների ու իրավապաշտպանների հետ հարցազրույցների արդյունքում ստացված տեղեկությունների հիման վրա:

2011թ.-ին վերաբերող ԱՄՆ պետքարտուղարության ժողովրդավարության, մարդու իրավունքների ու աշխատանքի բյուրո մարդու իրավունքների զեկույցը, որում նաեւ անդրադաձ է արվել բանակում տիրող իրավիճակին:

2011թ․-ի տարեկան զեկույցը կազմվել է ՀՀ մարդու իրավունքների պաշտպանին հասցեագրված բողոքների, օրենսդրության վերլուծության, մամուլի արժանահավատ և չհերքված հրապարակումների, միջազգային և տեղական կազմակերպությունների զեկույցների, ինչպես նաև ոլորտի մասնագետների ու իրավապաշտպանների հետ հարցազրույցների արդյունքում ստացված տեղեկությունների հիման վրա: