Ձեզ ենք ներկայացնում «Խաղաղության երկխոսություն» հկ-ի իրականացրած ուսումնասիրությունը ՀՀ զինված ուժերում և ԼՂ ՊԲ -ում 2016թ-ին մեզ հայտնի դարձած մահվան ելքով դեպքերի վերաբերյալ։ Այն իր մեջ ներառում է նաև «քառօրյա պատերազմի» արդյունքում զոհված զինծառայողների ցանկը, որն առանձին է ներկայացված:

Ձեր ուշադրությանն ենք ներկայացնում «Խաղաղության երկխոսություն» հկ-ի հերթական հաշվետվությունը ՀՀ զինված ուժերում մարդու իրավունքների վերաբերյալ: «ԽԵ»-ն խաղաղության կառուցման, ժողովրդավարության եւ մարդու իրավունքների ոլորտում գործող ոչ կառավարական կազմակերպություն է, որի գործունեության հիմնական ուղղություններից է հենց զինված ուժերում մարդու իրավունքների խախտումների բացահայտումը, մեղավոր անձանց պատասխանատվության ենթարկելուն հետամուտ լինելը և զինված ուժերում առկա հիմնախնդիրների շուրջ հանրային բանավեճի ծավալումը՝ մասնավորապես, դրանց լուծման առաջարկներ մշակելու, իշխանություններին ներկայացնելու եղանակներով զինված ուժերում առկա հիմնախնդիրների լուծմանը նպաստելու նպատակով:

Սույն զեկույցը հրատարակվել է «Անվճար իրավաբանական օգնություն զինծառայողներին» ծրագրի շրջանակներում, որի նպատակն էր՝ Նպաստել Հայաստանում ժամկետային զինծառայողների անվճար իրավաբանական օգնություն ստանալու իրավունքի մատչելիության ապահովմանը :

ՀՔԱ Վանաձորի գրասենյակը, ելնելով պետության կողմից իր քաղաքացիների կյանքի, առողջության եւ անվտանգության ապահովման եւ դրանց վերաբերյալ հանրային պատշաճ իրազեկման պարտականությունից, իրականացրել է 2016 թ.-ի ապրիլի 2-5-ը ժամանակահատվածում պատերազմական գործողությունների (մինչեւ Հայաստանի Հանրապետության եւ Ադրբեջանի Հանրապետության Գլխավոր շտաբերի պետերի կողմից հրադադարի հաստատումը) եւ դրանից հետո շարունակվող լարվածության հետեւանքով մահացության դեպքերի, հանգամանքների վերլուծություն, որի արդյունքները ներկայացվում է սույն զեկույցում:

«Պաշտպանության համակարգի հակակոռուպցիոն համաթիվը» գնահատում է պետության պաշտպանության համակարգում կոռուպցիոն ռիսկերի առկայությունը` դասելով պետությունները A-F խմբերում: Պաշտպանության համակարգի հակակոռուպցիոն համաթիվը մշակվել է՝ վերլուծելու պաշտպանության և անվտանգության ոլորտի հիմնական ռիսկային՝ քաղաքական, ֆինանսական, անձնակազմի, գործողությունների և գնումների ոլորտները: